طارق صالح : معركتنا مستمرة ضد المشروع الإيراني وأدواته حتى استعادة الدولة ودفن خرافة الولاية بعد مزاعم عن غيابه.. حسم موقف الشناوي من مباراة الأهلي المصري والترجي التونسي مشروع سري لإيقاف دوران الأرض.. تفاصيل لحظة تعرض أمريكا لضربة نووية وكالة بلومبرج الأميركية تكشف عن أسباب منع الحكومة إصلاح كابل الإنترنت الرئيسي الذي تضرر في البحر الأحمر خطاب ناري للرئيس أردوغان متوعدا نتنياهو وإسرائيل عن كل قطرة دم بغزة هذا ما قام به مشرف حوثي مع 6 أطفال فرو من احدى المراكز الصيفية الحوثية قد تصل إلى 7 أو 8 درجات...العالم الهولندي يحذر من زلازل مدمرة ستقع الأسبوع المقبل تشمل تعيينات وإعفاءات.. الملك سلمان يصدر أوامر ملكية “عاجلة” في السعودية فرار عشرات التجّار من صنعاء رفقة نشاطهم التجاري بصورة نهائية الى مناطق الشرعية عاجل : ثلاثة من أعضاء مجلس القيادة الرئاسي يصلون المنامة وبمعيتهم وفد رفيع
لسة فاكرة تجمعاتنا كل يوم خميس ، تجمعنا العائلي واحنا بنتفرج على (عائلة ونيس) ، لسة فاكرة صوتنا واحنا بنلعب خلاويص ، لسة ف بالي أيامنا و ضحكنا اللي ملوش زي ، لسة في بالي و لسة في قلبي حيّ .
لسة فاكرة .
*****************************************
لسة فاكرة كل صورة جمعتنا من أيام زمان ، السنين اللي مرت و دوّبت في البيت الحيطان ، لسة شاهدة كل اوضة عن طفولة "كان ياما كان" ، لسة كل شِبر بيحكي اللي كان ، كل شارع من الحواري بيضم ريحة من زمان ، لسة حتى الأغاني بتضم بحنان ، فيروز الصبح مع القهوة ، و حدوته قبل النوم تدينا الأمان ، اما دلوقتي ع المخدة ، بتحتوينا كل يوم الأحزان ،
*****************************************
لسة فاكرة كل ساعة و كل ثانية مرت ، حاسة انها كانت أصعب أيام عدت ! ازاي أيام الفراق عدت واحنا لسة مكملين؟ كل ذكرى بينا سدت ، وجع هيدمرنا سنين ، كل خطوة فيها ننجح ، نجري نحكي لمين؟ مفيش! ، لسة كل يوم بندور على طيفكم منلاقيش ، كنا زمان لو خطوة عدت ، نروح نحكيها كأنهم السبب في أننا نعيش ، لسة فاكرين الأيام ، ولسة الذكريات مش هتنسانا ، لسة بنكبر و بتمر السنين ، و لسة الذكريات بتكبر معانا ، لسة كل ثانية بتعدي ، بنحن فيها للي فات ، ولسة كل ذكرى بتعشش اكتر جوانا ، لسة في كل يوم بنعدي مسافات ، و تايهين ما بين نخطي و نكمل او نموّت الحنين معانا ،
*******************************************
طب لسة فاكرة الحضن إياه ، اللي كان بيصالحني من قسوة الحياة ، وكان يوم ما اعيط من الخوف ، ألاقي صوته بيطمني معاه، ازاي أنساه ؟؟ آخر لقاء بينا كان محجوز هناك ، لسة فاكرة كل كلمة قالها ، حسيت انه خلاص مفارق يومها، طب ازاي تفارق وأنا قلبي لسة معاك؟ كان بيصلي وهو خلاص بينام ، كان جميل بشكل ميوصفوش كلام! طب انا ملحقتش حتى أقوله سلام!!!!!! ازاي مش هيكون هناك؟ كنت ماسكة ايده وهي بردانة ، وهو بيطمني انه هيكون في مكان كويس! و انه هيكون حوالينا و معانا! لسة فاكرة يوم ما جم قالولي مات ! لسة صوته بيرن في وداني! عدا على فراقه ١٠ سنين ...، ولسة مش عارفه اتعود ، لسة واقفة مكاني . لسة بكلمه في سري كل يوم يعدي ، كان جميل بشكل كأنه بيوعدني مش هيسبني لوحدي! راح للجنة وساب الدنيا ، ماهي بردو الناس الحلوه بتفارقنا ف سنين مش ثانيه! لسة فاكرة كل حاجه كإنها امبارح! لسة قلبي بيعاند و لسة بيقاوح . لسة فاكرة ، لسة فاكرة ، ومش هنسى . بدعيلك قبل منامي ، ومش بعرف أنام حتى لو عايزة ، لأن ذكرياتك معايا كانت غير أي حد تاني .
لسة فاكرة كل ذكرى في طفولتي ، لسة فاكرة كل خطوة ، لسة بحط جنب صورتك صورتي! مش ناسية تحفيظك ليا للقرآن ، مش ناسية حنانك ليا ، ولا يوم ما كنت بتقول الآذان ، واسمع صوتك في المايك وقت الفجر وأحس بالأمان ، لسة فاكرة كل ثانية قضيناها زمان ، صدقني لسة فاكرة!